കുതിരക്കാര്യം

Date:

കുതിരക്കാര്യം
വിമീഷ് മണിയൂർ

മലബാർകലാപത്തിൽ കൊല്ലപ്പെട്ട ഒരു കുതിരയെ ഇന്ന് കോഴിക്കോട് ബീച്ചിൽവെച്ച് കണ്ടുമുട്ടി മരിച്ചത് സത്യം തന്നെയാണെന്നും സ്വാതന്ത്ര്യസമര പെൻഷൻ കിട്ടുമോന്നറിയാൻ പഴയ തലസ്ഥാനത്ത് വന്നതാണെന്നും ഒടിഞ്ഞു തൂങ്ങിയ മുതുകുയർത്തി അത് പറഞ്ഞുവെച്ചു ജയിലിൽ കിടന്നിട്ടുണ്ടോ? ഒന്നു രണ്ടു കടലമണി വായിലിട്ട് ഞാൻ ചോദിച്ചു ഇല്ല, കുതിര തലതാഴ്ത്തി. കോൺഗ്രസ്സായിരുന്നോ? കുതിര നിശ്ശബ്ദനായി നിസ്സഹകരണം, ഉപ്പുസത്യഗ്രഹം വിദേശവസ്ത്ര ബഹിഷ്കരണം ക്വിറ്റ് ഇന്ത്യ സമരം ഇതിലേതിലേക്കെങ്കിലും എടുത്തുചാടിയിട്ടുണ്ടോ? കുതിരയുടെ കണ്ണുനിറഞ്ഞു വന്നകാര്യം നടക്കില്ലെന്ന് അതിനെളുപ്പത്തിൽ മനസ്സിലായി. തിരിച്ചു നടക്കുന്നതിന് മുമ്പ് കുതിര ചോദിച്ചു ഗാന്ധിജിയൊക്കെ സുഖമായിരിക്കുന്നോ? ഞാനൊന്നു മടിച്ചു ഒളിച്ചുവെച്ചിട്ടെന്തിനാണ് കൊല്ലപ്പെട്ടു. ഞാൻ കുതിരയുടെ മുഖത്ത് നോക്കി കുതിര പറഞ്ഞു; അത് സാരമില്ല എന്നാലും വല്ലപ്പോഴുമൊക്കെ പൊറത്തിറങ്ങാൻ പറയണം ബീച്ചിലപ്പോൾ, പണ്ട് വാഗണിൽ കുത്തിക്കേറ്റപ്പെട്ട മനുഷ്യരുടെ മരണവെപ്രാളങ്ങൾ കടലമണികളായ് ആയിരക്കണക്കിനാളുകളുടെ
അണ്ണാക്കിൽ കുടുങ്ങി.
—————————————————-

LEAVE A REPLY

Please enter your comment!
Please enter your name here

Share post:

spot_img

Popular

More like this
Related

പ്രപഞ്ചമൊളിച്ചുവച്ച ‘പ്രേതകണങ്ങൾ’ – ഡോ. സി.പി. ഗിരിജാവല്ലഭൻ

പ്രപഞ്ചത്തിന്റെ നിഗൂഢതകൾ മുഴുവൻ ഒളിപ്പിച്ചുവച്ച, ദ്രവ്യമാനമോ വൈദ്യുതചാർജോ ഇല്ലാത്ത അതീവ സൂക്ഷ്മകണങ്ങളാണ്...

തിരമാലകളുടെ ഓർമയിൽ ഉറങ്ങുന്ന ലോകനഗരം – മധു ഇളയത്‌

ചരിത്രം വെറുമൊരു ഭൂതകാലമല്ല; അത് മണ്ണിൽ വേരുറച്ചുപോയ മനുഷ്യസ്മരണകളുടെ ജീവനുള്ള സ്പന്ദനമാണ്....

വിദ്യാർഥികൾ അടിച്ചമർത്തപ്പെടേണ്ട ഭീഷണിയല്ല, ഭരണകൂടം കാതോർക്കേണ്ട പൗരരാണ് – ഡോ. ശശി തരൂർ/ ബിനോയ്‌ പിച്ചളക്കാട്ട്

അധികാരത്തിന്റെ  യുക്തികൾ ലോകക്രമത്തെയും ഇന്ത്യൻ ജനാധിപത്യത്തെയും  ശ്വാസംമുട്ടിക്കുന്ന ഇക്കാലത്ത്, നഷ്ടപ്പെടുന്ന പൗരസ്വാതന്ത്ര്യത്തെയും...

ചെറുവയൽ രാമൻ: കാർഷികസംസ്കാരത്തിന്റെ കാവലാൾ – ബിജു ജോർജ്

പച്ചപ്പിന്റെ ഓർമകളിൽ പദ്മശ്രീ ജേതാവും ഗോത്രകർഷകനുമായ ചെറുവയൽ രാമന്റെ വിയോഗം കേരളത്തിലെ കാർഷികമേഖലയ്ക്ക്...